SKAIH VSBO-AGO ta un skol ku papiamentu komo idioma di instrukshon. Nos alumnonan ta risibí tur materia di kontenido na papiamentu banda di e materianan ku ta kubri otro idiomanan manera hulandes, spañó i ingles. Nos skol ta pará pa inklusividat i igualdat. Siguiendo e filosofia humanista, nos meta ta pa saka e potensial máksimo for di kada alumno. Pa medio di stimulashon di un amor profundo pa i konosementu di nos idioma materno, nos ta krea suidadanonan pará fuerte den nan sapatu ku un konsenshi kolektivo bon desaroyá.
Direktor
Erwin Kranenburg
gusta ambiente positivo i wak ku tur kos ta kana korekto riba tereno di skol.Komo direktor di SKAIH VSBO-AGO pa 22 aña kaba, tio Erwin semper ta sostené nos alumnonan.
Tur kos tin un solushon, esei ta mantra di tio Erwin grandi òf chiki e tei pa nos alumno nan; tio Erwin ta kla i disponibel pa nos alumno nan, kla pa skucha i ta trata pa resolvé nan prekupashon. E ta pone su alumno nan sentral.
Beatrixlaan Kavel 277, Emmastad