Nos graduadonan di SKAIH Pre-Universitario.
Selebrashon dia di enseñansa
Un bishita honorabel i inolvidabel di Promé Dama di Surnam, Mellisa Santokhi-Seenacherry, akompañá pa Minister di Enseñansa, Sithree van Heydoorn i su delegashon
Nos graduadonan di SKAIH Pre-Universitario.
Palabra di nos Direktor Ehekutivo:
✨Ròl nobo, mesun meta✨
For di 1 di yanüari 2026, mi a kuminsá den mi funshon komo Direktor Ehekutivo di Fundashon pa Skol Humanista na Papiamentu.
Ta un honor pa mi traha ku un fundashon ku ta defendé edukashon humanista, skolnan di kalidad, i uso signifikativo di Papiamentu komo idioma di instrukshon i identidat. FSHP ta hunga un ròl esensial den guia i sostené su tres skolnan, kada un kontribuyendo na su manera propio na desaroyo di hóbennan na Kòrsou.
Mi ta spera di kolaborá di serka ku nos direktornan di skol, maestro, personal, mayornan i tur partnernan, i di fortalesé e ròl di e fundashon den sostené liderasko edukativo, koherensia i un impakto duradero.
Masha danki pa e konfiansa depositá den mi, i mi ta motivá pa kontribuí na un edukashon ku berdaderamente ta pone hende na sentro.
Mishon
Manera e nòmber ta indiká, pensamentunan humanista ta pará sentral den tur aktividat di Fundashon pa Skol Humanista na Papiamentu. Aspektonan ku tin un ròl primordial den esaki ta: derecho riba libertat, atenshon pa e balor humano, outentisidat, rèspèt, kreensia den abilidat humano, responsabilidat propio, responsabilidat sosial i uso di diálogo basá riba motibu, argumentashon i rèspèt den tur komunikashon.
E meta di FSHP ta pa e aspektonan menshoná ta pontifikalmente presente den e enseñansa ofresé na e alumnonan di Yogatina, Kolegio Erasmo, SKAIH VSBO/AGO i SKAIH Pre-Universitario.
Vishon
FSHP ta proveé edukashon basá riba e filosofia humanista den e idioma papiamentu, esta e idioma materno di mayoria persona den e komunidat di Kòrsou. E edukashon proveé pa FSHP ta holístiko, inklusivo i ku espasio pa e diversidat di nos sosiedat.
E meta prínsipal ta pa stimulá e desaroyo di e alumno su abilidat di pensa, su talentonan, su identidat personal i su identidat kolektivo. Nos edukashon ta prepará e muchanan i hobennan pa por funshoná tantu riba e merkado lokal komo e merkado internashonal. Tur esakinan ku rèspèt pa e persona ku e alumno ta.
Nos ta biba ku nos komunidat
riba nos retnan sosial
Media sosial a bira un parti hopi importante di nos komunidat. Tantu hóben i adulto ta hasi gran uso di plataformanan manera facebook, instagram i tik tok. Sinembargo nos komo Fundashon lo trata na usa e plataformanan aki di un manera responsabel. Pa e motibu aki nos ta hopi selektivo na kua di e plataformanan aki nos ta hasi uso di dj'e.
Tambe nos ta purba di tur forma na konsientisá tantu nos dosentenan, alumnonan i mayornan kon pa hasi uso di e plataformanan aki di un manera responsabel. Esaki no ta kita ku den e era modèrno aki, bo por haña persona nan òf entidatnan ku por trata na influenshá bo kredibilidat riba e plataformanan aki.
Pa e motibu aki nos ta kompartí ku boso e siguiente lenk nan ku ta korespondiente na kuentanan legítimo di tur e 3 skolnan:
Facebook:
- Fundashon pa Skol Humanista na Papiamentu: https://www.facebook.com/skolnanhumanista
- Yogatina i Kolegio Erasmo: https://www.facebook.com/kolegioerasmofundeshi
- Kolegio Erasmo (speshal pa mayor): https://www.facebook.com/kolegio.erasmo.7
- SKAIH VSBO/AGO: https://www.facebook.com/skaih.vsbo
- SKAIH Pre-Universitario: https://www.facebook.com/SPUCuracao
