Drs. Nihayra Leona komo direktor nobo di FSHP.
Tanchi Nihayra ta un sikólogo di mucha i un akadémiko spesialisá riba tereno di enseñansa, edukashon, idioma i multilingwismo.
Pa 4 aña e tabata presidente di “Levende Talen Papiaments”, un asosiashon di dosentenan di idioma na Hulanda.
Su preparashon akadémiko diversifiká i tambe e echo ku e ta balorá nos idioma papiamentu i e movementu Humanista ta hasié e persona apto pa kontinuá ku e trabou ku Frank Martinus Arion a inisiá. E ta komprondé e retonan ku nos fundashon i skolnan ta enfrentá banda di e oportunidatnan ku nan ta brinda nos nos alumnonan pa konstruí nan futuro.
Huntu ku e tres direktornan di skol tanchi Nihayra lo maneha e 3 skolnan di FSHP i Yogatina di awor en adelante. Di e forma aki Direktiva ke informá ku Tanchi Nihayra lo bira e persona ku ta integralmente responsabel pa maneho di FSHP ku tur outoridat mará na e funskhon aki. Te ku final di e aña eskolar aki Tio Ronny lo sostené Tanchi Nihayra.
Jessy Leonora komo direktor nobo di Kolegio Erasmo.
E siman di 1 Mart 2023 tabata sumamente importante pa Kolegio Erasmo Fundeshi! No solamente nos a muda pa un edifisio nobo, pero tambe nos a yama bon biní na Jessy Leonora komo nos direktor nobo. Ban pa mas kambio positivo Kolegio Erasmo Fundeshi!
SKAIH Pre-Universitario i Skol Avansá Amador Nita ofisialmente ta kompartí un edifisio.
Fundashon pa Skol Humanista na Papiamentu (FSHP) a dal un stap mas komo pionero huntu ku Dienst Openbare Scholen. SKAIH Pre-Universitario i Skol Avansá Amador Nita ofisialmente ta kompartí un edifisio. Dos skol, dos direktiva di skol. Kolaborashon ku rèspèt mutuo pa progreso di nos enseñansa, ta posibel!
Konferensia inisial di Fundashon pa Skol Humanista na Papiamentu 2023-2024.
Dia 8 di ougùstùs nos tabatin nos Konferensia Inisial. Un dia kaminda nos a selebrá komienso di un aña eskolar nobo, a kolektá mas konosementu i a dal e promé stapnan pa rekonektá ku i rebalorá nos mishon!