SKAIH Pre-Universitario ta un skol bilingual na nivel di HAVO/VWO, kaminda nos studiantenan ta haña lès na papiamentu i ingles. Nos skol ta sigui e programanan di CXC i na final di klas 5, nos alumnonan ta risibí un diploma di CSEC kual ta rekonosé na diferente universidat internashonal. Komo un skol bilingual tambe nos meta ta pa krea alumnonan ku un bon konosementu di nan propio pais, pero tambe konsiente ku nos ta forma parti di un komunidat global, pues 'global citizens'.
Tanchi Jamie ta hopi positivo pa ku desaroyo di nos skol SKAIH Pre-Universitario (SPU). Trahando inkansablemente na bienestar di nos muchanan, Tanchi Jamie lo sigui hasi esaki ku pashon i alabes mantene nos mayornan tambe informá di tur desaroyo; tantu paden komo pafo di kura di skol. Mirando ku Tanchi Jamie ta bin di un paid ingles, lo e agregá mas struktura riba e parti bilingual di nos skol.
